بعد السلام والتحية
مفيش شك إن موقع اليوتيوب العملاق ما شاء الله عليه عمران بكمية فيديوهات غريبة الشكل لدرجة إنى ساعات بعمل سيرش وأكتب إسمى يمكن ألاقى نفسى موجود هناك وأنا معرفش، أو أصحى من النوم بدل ما ألاقى نفسى نايم على السرير ألاقينى نايم على النت
المهم فيه طبعا فيديوهات ومقاطع بتعجبنى هناك جدا وبتجنن علشان أحفظها عندى على الجهاز بدل ما أشوفها على النت وطبعا حيقعد يحمل ويقطع وأصحى وأنام معاه ويجيلى الضغط، وأنا مش بتاع الكلام دا
ولأن دماغى حته جبنة قديمة واللى عاوزة بنفذه دورت على برامج كتير أحفظ بيها الفيديوهات من الموقع عندى على الجهاز، وجربت كتير منهم. فيه برامج عجبتنى وفيه برامج شلتنى
النهاردة حبيت أحط بين إيديكم وتحت خدمتكم برنامجى المفضل اللى إستقريت عليه أخيرا وشايف إنه الوحيد اللى لبالى طموحاتى بخصوص الموضوع دا
برنامجنا النهاردة سهل الإستخدام ومش محتاج شرح بس عاوز حبه تركيز صغنططين بس، وظيفته تحميل فيديوهات اليوتيوب من الموقع وتحويلها إلى أى صيغة نحبها سواء كانت مسموعة أو مرئية، وفوق كل دا البرنامج بورتابل يعنى محمول نقدر ناخده معانا على الفلاشة فى أى مكان صحرا كانت أو بستان وحيشتغل معانا بمجرد ما نعمل دبل كليك عليه من غير تسطيب وتسجيل ووجع قلب
برنامجى النهاردة هو
Portable Save2pc PRO 3.4.6.0
ودلوقت وبعد ما إتكلمنا ورغينا جه وقت التنفيذ العملى والتجربة يا حلوين
أرجو من الجميع ربط الأحزمة والضغط على كلمة داونلود بشويش لتحميل البرنامج من موقع رابيدشير
Posts
1 comment:
الف شكر يا استاذ احمد انت انقذتنى انا زيك كده بالظبط بحب انزل حاجات كتير من عاليوتيوب بس فعلا بيبقى هيجيلى شلل وانا قاعده واتمنى ان البرنامج ده يكون سريع وكويس ويعجب كل الضيوف
Post a Comment