أصدقائى صديقاتى
قراء مدونتى
وأنا بلف لفة الصبحية فى مواقع النت اللى بحبها لفت نظرى مقال إن الستات فى أمريكا بيبيعوا بويضاتهم علشان يواجهوا الأزمة المالية عندهم
قولت فى عقل بالى والله جدعان، وتخيلت منظرهم وهما فارشين فى سوق الخميس بتاع نيويورك وقاعدين يبيعوا ويقولوا: بدولار ونص .. تعالى بص
إيه يعنى لما حريم أمريكا يبيعوا بويضات .. ما حريمنا ما شاء الله عليهم بيبيعوا بيض بلدى الاتنين بجنيه وكسيبه على الأقل بيضنا صابح
وبعدين رجعت وفكرت شوية كدا لاقيت العملية مش جايبة همها خالص .. معتقدش إن الأمريكان بيعرفوا يتصرفوا بصراحة!! .. بويضات إيه اللى بيبيعوها وفرحانين؟ هى البويضات بتجيب فلوس فى الأيام السودة دى؟؟
يجوا عندنا فى مصر وإحنا نعلمهم فنون البياعة على أصولها وإزاى حيبيعوا كلاويهم وعيالهم وإحتمال يبيعوا نفسهم بالمرة .. عااادى خالص .. مش بيقولوا مصر أم الدنيا
وبحبك يا مصر
Posts
No comments:
Post a Comment